Policia ka dhënë detaje nga plagosja e efektivit me thikë nga një 38-vjeçar në qytetin e Durrësit.
Uniformat blu raportojnë se punonjësi i policisë u godit me thikë nga shtetasi me iniciale F. C., gjatë ndërhyrjes për ta neutralizuar.
Sipas policisë, 38-vjeçari po lëvizte në lagjen nr. 1 të qytetit në rrugë me thikë në dorë, duke u bërë rrezik për kalimtarët.
Autori është shoqëruar në Komisariat, për veprime të mëtejshme dhe është sekuestruar mjeti prerës është sekuestruar në cilësinë e provës materiale.
Lexoni edhe: Nxori thikën nga çanta e u largua me vrap, efektivët e ndoqën dhe tentuan të… Agresori plagos policin, si është gjendja e tij
Njoftimi i policisë:
Durrës/Informacion paraprak
Rreth orës 11:00, Policia ka marrë njoftim nga qytetarët, se në lagjen nr. 1, një shtetas po lëviste në rrugë, me mjet prerës, në dorë, duke u bërë rrezik për kalimtarët.
Menjëherë, shërbimet e Policisë kanë shkuar në adresën e dhënë ku kanë konstatuar shtetasin F. C., duke mbajtur një mjet prerës (thikë), në dorë. Gjatë ndërhyrjes së shërbimeve të Policisë, për neutralizimin e këtij shtetasi, është dëmtuar lehtë në dorë, nga mjeti prerës, punonjësi i Policisë E. C., i cili po merr mjekim në spital dhe është jashtë rrezikut për jetën.
Shërbimet e Policisë e kanë shoqëruar shtetasin F. C., 38 vjeç, në Komisariat, për veprime të mëtejshme.
Mjeti prerës është sekuestruar në cilësinë e provës materiale.
Grupi hetimor po punon për sqarimin e rrethanave të rastit.
