Egjipti ka hapur vendkalimin kufitar Rafah për qarkullim të udhëtarëve në të dy anët, njoftoi Ministria e Punëve të Brendshme e Gazës me të cilën administron Hamasi.

Në njoftimin e ministrisë theksohet se “autobusët e pasagjerëve filluan të largohen nga vendkalimi, ndërsa të kthyerit do të mbërrijnë në mesditë”.

Është e paqartë se sa ditë kalimi do të mbetet i hapur.

Fraksionet palestineze aktualisht po mbajnë dialog në Kajro mbi përgatitjet për zgjedhjet.

Javën e kaluar, Egjipti hapi vendkalimin për katër ditë në të dy drejtimet.

Që nga shpërthimi i pandemisë së koronavirusit të ri (COVID-19) në mars, Egjipti dhe Hamasi u dakorduan të mbyllnin vendkalimin. Terminali u hap në mënyrë sporadike për çështje humanitare.