Ekskluzive/ Sherr masiv në Bathore, 4 persona përfundojnë te Trauma, pamje nga momenti i mbërritjes

Një video e siguruar nga Faxnews tregon momentin kur personat e plagosur nga konflikti i ndodhur këtë mbrëmje në zonën e Bathores, mbërrijnë në spital për të marrë ndihmën mjekësore.

Në pamje shihen të rinjtë të shoqëruar nga personeli shëndetësor, ndërsa futen me urgjencë në ambientet e spitalit.

Ngjarja  ndodhi rreth orës 18:30, pranë Pedonales së Bathores, ku dyshohet se disa të mitur janë përfshirë në një konflikt për motive të dobëta.

Grupi hetimor vijon punën në terren, ndërsa policia ka shoqëruar disa persona për sqarimin e rrethanave të incidentit.