Home BOTA Ekspertët ngrenë alarmin: Një virus i rrezikshëm po përhapet nga Blutooth-i i telefonave

Ekspertët ngrenë alarmin: Një virus i rrezikshëm po përhapet nga Blutooth-i i telefonave

0

Ndajeni këtë artikull me të tjerë duke klikuar ikonat më poshtë

Pronarët e smartfoneve janë paralajmëruar për një virus të tmerrshëm, i cili mund të marrë në dorë pajisjen tuaj dhe kërcënon miliarda pajisje në gjithë botën.
 
Përdoruesit e telefonave të mençur janë paralajmëruar për nje virus te rrezikshëm, i cili po shpërndahet përmes Bluetooth.
 
Ekspertët e sigurisë kanë thënë se virusi i rri po përhapet përmes Bluetoothit. Virusi BlueBorne po prek pajisjet për shkak të dobësive në pajisje përmes rrugës së Bluetooth.
 
Vrimat e sigurisë iu lejojnë sulmuesve që të marrin kontrollin mbi gadgets e Bluetooth, të ekzekutojnë kodet dhe të interferojnë në trafikun ndërmjet pajisjeve.
 
Gadgets e prekur janë në sistemet Android, Windows dhe Linux, si dhe versionet e mëhershme të iOS, ka bërë të ditur kompania për kërkime të sigurisë Armis.
 
Ekspertët thonë se rreziku më i madh nëse personi i prekur nga virusi përdorë bankën.
 
BlueBorne atëherë do të përhapet në secilën pajisje me Bluetooth të aktivizuar dhe mund të bartet madje edhe në kompjuterët e bankës. Sulmet nuk kërkojnë që viktima të shkarkojë ose të klikojë në ndonjë link.
 
Ata thjesht duhet të kenë Bluetooth të aktivizuar, shkruan Kosovapress, duke i ndihmuar në këtë mënyrë BlueBorne për t’u shpërndarë në shkallë të gjerë.
 
Viktimat mund të jenë plotësisht të pavetëdijshme se pajisjet e tyre janë të infektuara.
 
“Nuk ka asnjë mekanizëm për të bllokuar lidhjet Bluetooth, ashtu që sulmuesit depërtojnë përmes një bypassi”, ka thënë Ben Seri, shefi i kërkimit në Armis Security.
 
Fansat e Apple janë të lumtur që versioni i fundit i iOS nuk është i prekur nga ky lloj virusi.
 
Pajisjet e prekura nga virusi janë Google Pixel, Samsung Galaxy, Samsung Galaxy Tab, LG Watch Sport, Pumpkin Car Audio System.
 
Për të mbrojtur veten nga BlueBorne, siguroni që pajisja e juaj të ketë përditësimin e fundit. Nëse nuk e dini nëse pajisja juaj është e prekur nga virusi, atëherë mënyra më e mirë është që ta fikni Bluetooth për një kohë të gjatë.

Ndajeni këtë artikull me të tjerë duke klikuar ikonat më poshtë