Lulash Qepuri, 76 vjeç, ndërroi jetë tre ditë më parë pasi u qëllua disa herë me armë zjarri “shotgun” në lokalin në pronësi të tij. Ngjarja ndodhi në në fshatin Stom-Golem, Shkodër, ndërsa deri sot nuk ka një autor të ndaluar për këtë vrasje.
Mësohet se një person i maskuar ka hyrë në lokal dhe ka qëlluar të paktën 4 herë mbi të moshuarin.
76-vjeçari ka mbetur i plagosur rëndë dhe ka ndërruar jetë gjatë transportit për në spital.
Nga të dhënat rezulton se autori ishte i maskuar dhe në kokë mbante një kapele kashte. Po ashtu nga kontrolli i ambienteve të lokalit dhe banesës, policia ka gjetur një bllok në të cilën kishte të listuar disa emra personash ku dyshohet se kishin marrë më fajde te Qepuri.
Në bllok i moshuari kishte shkruar me shkrim dore shumat e parave që ia kishte dhënë personave si dhe përqindjet që do të merrte më pas.
Nga mbledhja paraprake e tyre është konstatuar një shumë e majme parash, e ndërsa policia ka nisur me marrjen ne pyetje të këtyre personave, emrat e të cilëve janë gjetur në bllokun sekret të Qepurit.
në Facebook, klikoni Join Group
…
/faxweb
