Policia e Elbasanit ka arrestuar tre të rinj, pasi përmes dhunës dhe kërcënimeve i kanë marrë një 20-vjeçari një shumë prej 2 mijë eurosh.
Sipas policisë, të arrestuarit janë Dervish Rusta, Elidon Bosko dhe Françesko Çengeli.
Debati mes tyre nisi pasi 20-vjeçari kishte postuar në rrjetet sociale automjetin e njërit prej të arrestuarve, e për të cilin autorët i kërkuan atij shumën e parave.
Gjatë kontrollit në banesë, policia gjeti dhjetëra doza kanabis, 2 peshore, një radio marrëse dhe 2 automjete.
Ndërkohë janë në procedim penal edhe tre persona të tjerë për moskallëzim krimi.
