Komisionerja për punët e brendshme në KE Ylva Johanson ka zhvilluar ditën e sotme një vizitë zyrtare në pikën e kalimit doganor të Kakavijes e shoqëruar nga ministri i i brendshëm Bledi Çuçi.

Ata kanë vizituar qendrën për pritjen e migrantëve të parregullt. Në fjalën e mbajtur në konferencën për mediat komisionerja ka përshëndetur arritjet e shqipërise të drritanishme, duke theksuar se duhet të luftohet fort për të zhdukur kriminalitetin

“Shqipëria është vendi i parë që ka arritur marrëveshje me FRONTEX, por ka arritur marrëveshje me shtete të tjera në BE. Ky është hap me rëndësi për bashkëpunimin tonë të ngushtë. Forcat shqiptare dhe të FRONTEX punojnë së bashku. Ata punojnë jo vetëm për emigracionin e paligjshëm, por luftojnë edhe krimin. Duhet të luftojmë shumë për të zhdukur kriminalitetin.

Mjedisi dixhital po përdoret shumë nga kriminelët. Drejtësia tani vepron më tepër se dikur. Ne duhet të sigurohemi që krimi, i cili fiton shumë para, të mos paguajë. Emigracioni është rritur, por duhet menaxhuar më mirë kjo çështje. Duhet menaxhuar kthimi i tyre në vendin e origjinës, pasi shumica prej tyre janë pa rregulla në territorin europian,” u shpreh ajo.

Nga ana tjetër, Ministri Cuci ka deklaruar se Shqipëria ka bërë arritje në bashkëpunim me BE-në në fushën e sigurisë.

“Policia jonë e kufirit patrullon kufirin e gjelbër që ne kemi me Greqinë. Shqipëria ka bërë arritje në bashkëpunim me BE-në në fushën e sigurisë. Shumë shpejt do kemi mbledhje të përbashkët mes Shqipërisë dhe BE-së. Kjo është me rëndësi, përpara se vendi ynë të integrohet në union,” deklaroi Ministri.

(E.H/Faxweb.al)

/faxweb

Subscribe kanalin tonë në Youtube për të mos humbur asnjë video të re