Emine Erdoğan sot ka përshëndetur vendimin e UNESCO-s për të shënuar 18 Nëntorin si Ditën Ndërkombëtare të Artit Islam, raporton Anadolu Agency (AA).
“E mirëpres njoftimin e UNESCO-s për 18 Nëntorin si Ditën Ndërkombëtare të Artit Islam”, shkroi Emine Erdoğan në Twitter, duke shpërndarë një imazh të pikturuar të shkronjës arabe.
“Besoj se eleganca e civilizimit islam në fushën e artit do të ringjallë përsosjen që kemi humbur në botën në të cilën jetojmë”, tha ajo.
Duke theksuar pozitën e rëndësishme historike të Turqisë në fushë, ajo shtoi: “Unë mendoj se Dita Ndërkombëtare e Artit Islam është një mundësi e rëndësishme për të prezantuar këtë art prestigjioz në botë”.
Sipas UNESCO, Dita Ndërkombëtare e Artit Islam, e shpallur në vitin 2019, synon të rrisë ndërgjegjësimin për shprehjet artistike të kaluara dhe bashkëkohore të Islamit dhe kontributin e kulturës përmes Artit Islam në civilizim.
Festimi i ditës “inkurajon vlerësimin e artit islam, kontribuon në diversitetin kulturor, lirinë e shprehjes, mbrojtjen e trashëgimisë kulturore dhe po ashtu është një mënyrë për të nxitur tolerancën midis njerëzve”, thuhet në deklaratën e faqes së internetit të UNESCO-s.
AA
