Emiri i Katarit, sheikh Tamim bin Hamad Al-Thani, mori sot një mesazh nga presidenti egjiptian, Abdel Fattah al-Sisi, në lidhje me marrëdhëniet dypalëshe, bëri të ditur agjencia shtetërore e lajmeve të Katarit.
Mesazhi u dha nga ministri egjiptian i Rinisë dhe Sportit, Ashraf Sobhi, gjatë takimit të tij me kryeministrin dhe ministrin e Brendshëm të Katarit, sheik Khalid bin Khalifa bin Abdulaziz Al-Thani.
Agjencia e lajmeve tha se mesazhi përqendrohej në “marrëdhëniet dypalëshe midis dy vendeve dhe mënyrat për t’i mbështetur dhe zhvilluar ato”.
Gjatë takimit, të dy palët shqyrtuan “aspektet e forcimit dhe zhvillimit të bashkëpunimit midis dy vendeve në fushën e rinisë dhe sportit”, thuhet më tej.
Marrëdhëniet Egjipt-Katar u përmirësuan ndjeshëm pas nënshkrimit të një marrëveshjeje pajtimi në Arabinë Saudite në janar, e cila i dha fund grindjeve politike.
Më 28 gusht, emiri i Katarit dhe presidenti egjiptian u takuan në kryeqytetin irakian Bagdad në margjinat e një samiti ndërkombëtar.
Në qershor, Egjipti dhe Katari njoftuan emërimin e ambasadorëve, pasi rifilluan marrëdhëniet e tyre diplomatike.
