Një aksident i rëndë me pasojë vdekjen është regjistruar paraditen e kësaj të diele në hyrje të qytetit të Bilishtit.
Pamje nga vendi i ngjarjes
Sipas informacioneve paraprake, rreth orës 11:10, një motomjet i drejtuar nga shtetasi Besim Stena 67 vjeç, është përplasur me një automjet me drejtues shtetasin Besart Kycyku, 25 vjeç.
Si pasojë e përplasjes, 67-vjeçari ka ndërruar jetë, duke mos i mbijetuar plagëve të marra. Ndërkohë, drejtuesi i automjetit është shoqëruar në Komisariatin e Policisë, ku po kryhen veprimet e mëtejshme procedurale.
Grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
Devoll/Informacion paraprak
Rreth orës 11:10, në hyrje të qytetit të Bilishtit motomjeti me drejtues shtetasin B. S 67 vjeç, është përplasur me automjetin me drejtues shtetasin B. K., 25 vjeç.
Si pasojë e përplasjes ka ndërruar jetë drejtuesi i motomjetit, shtetasi B. S.
Drejtuesi i automjetit është shoqëruar në Komisariat, për veprime të mëtejshme.
Grupi hetimor po punon për sqarimin e rrethanave të aksidentit.
