Një 40-vjeçar është plagosur me thikë mbrëmjen e kësaj të marte në qendër të qytetit të Korçës.
Plagosje në Korçë
Burime për News 24 bëjnë me dije se 40-vjeçari i identifikuar si Ergyst Shtylla ndodhet aktualisht në reanimacion.
Ndërkohë që policia është në kërkim të autorit dhe po punon për identifikimin e tij.
Nuk dihen ende rrethanat e ngjarjes.
Sipas informacioneve, mësohet se të plagosurin e kanë çuar në spital me mjet privat ndërsa raportohet se nuk ka gjurmë pranë vendit të ngjarjes.
Policia po sekuestron kamerat e sigurisë që ndodhen në lokalet pranë vendit ku ka ndodhur plagosja.
Njoftimi i policisë
Korçë/Informacion paraprak
Rreth orës 20:15, shtetasi E. Sh. 40 vjeç, ka shkuar në spital për ndihmë mjekësore, dyshohet i dëmtuar me mjet prerës, thikë nga një shtetas ende i pa indetifikuar.
Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorit.