Policia ka vënë në pranga 44-vjeçarin Ilir Biba, i cili në rrugën “Mujo Ulqinaku” në Durrës, i ka vjedhur çantën e dorës një gruaje.
Siç shihet edhe nga pamjet, 44-vjeçari ia merrç çantën nga duart 54-vjeçares, e cila duke tentuar të mos e lëshojë, rrëzohet në tokë.
Çanta e 54-vjeçares u sekuestrua në cilësinë e provës materiale.
Njoftimi i policisë:
Durrës
I vodhi me dhunë çantën, një shtetaseje, në rrugë, identifikohet, kapet dhe vihet në pranga 44-vjeçari.
Shërbimet e Komisariatit të Policisë Durrës, menjëherë pas njoftimit se në rrugën “Mujo Ulqinaku”, një shtetas i kishte vjedhur me dhunë çantën e dorës, një 54-vjeçareje, kanë organizuar punën me qëllim identifikimin dhe kapjen e autorit.
Si rezultat i veprimeve të shpejta hetimore, u bë i mundur identifikimi dhe kapja e autorit të dyshuar të vjedhjes, shtetasit I. B., 44 vjeç, banues në Durrës, i cili në përfundim të veprimeve u arrestua për veprën penale “Vjedhja me dhunë”.
Çanta e 54-vjeçares u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.