Emiljano Paloka 27 vjeç është personi, i cili mbeti i plagosur me armë zjarri në Velipojë mbrëmjen e sotme (2 prill).
Policia thotë se ngjarja ndodhi në rrethana ende të paqarta. Ndërkohë personi i plagosur është transportuar për ndihmë mjekësore dhe ndodhet jashtë rrezikut për jetën.
Burimet bëjnë të ditur se ngjarja ku mbeti i plagosur i riu ka ndodhur pas një konflikti mes dy komshinjve.
Policia ka shkuar ne vendngjarje për sqarimin e rrethanave dhe identifikimin e me pas kapjen e autoreve.
Shkodër/Informacion paraprak
Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe sëbashku me dy grupe të Forcës Kombëtare të Sigurisë Njësia Shkodër po vijojnë krehjen e zonës.
Grupi hetimor në drejtimin e Prokurorisë, vijon punën në vendngjarje për sqarimin e rrethanave të ngjarjes dhe identifikimin e autoreve.
