Një 28-vjeçare shqiptare është ekzekutuar me plumb në kokë nga ish i dashuri i saj në shtetin italian.
Mediat vendase raportojnë se e reja shqiptare jetonte në Savona, ndërsa ngjarja e rëndë është regjistruar pak pas mesnatës.
Ishte vetë vrasësi që ka lajmëruar policinë për krimin e kryer. Ai ka telefonuar policinë duke thënë se ka vrarë gruan dhe ka kërkuar të arrestohet.
“Vrasësi është shtetasi i Guinesë, Sefayou Sow, 27 vjeç dhe viktima Danjela Neza, është shqiptare dhe gjithashtu ishte e punësuar në sektorin e restoranteve”, raportojnë mediat vendase.
Shkak për ngjarjen e rëndë dyshohet se është bërë përfundimi i lidhjes. Autori nuk rezulton person problematic.
Hetuesit kanë gjetur në vendngjarje edhe armën e krimit, pistoleta gjysmë automatike e kalibrit 22, me numër serie të gërryer.
Sipas hetimeve paraprake, viktima nuk ishte dhunuar në të shkuarën nga autori.
