LUSHNJE- Policia e Lushnjës ka dhënë detaje rreth shpërthimit me tritol që tronditi gjatë natës qytetin. Burime zyrtare thanë se ngjarja ndodhi rreth orës 03:10, në lagjen “18 Tetori”, ndërkohë që eksplozivi ishte vendosur në pjesën e përparme të mjetit.
Të njëjtat burime thanë se shtetasi Altin Ahmetaj, 44 vjeç, e kishte parkuar mjetin tip “Fiat” në një rrugicë në afërsi të banesës. Policia e Lushnjës ka ngritur grupin e punës dhe po heton për ngjarjen dhe po pyetet pronari i mjetit si dhe të tjerë persona të lagjes për zbardhjen e rastit në fjalë.
Informacion paraprakNë datën 06.05.2018, rreth orës 03:10, në lagjen “18 Tetori”, Lushnje është djegur pjesërisht në pjesën e përparme mjeti tip “Fiat” në pronësi të shtetasit A.A, 44 vjeç, të cilin e kishte parkuar tek rrugica në afërsi të banesës.Paraprakisht dyshohet se djegia e mjeti ka ardhur si pasojë e vendosjes së një lënde plasëse eksploziv.Grupi hetimor po punon për sqarimin e rrethanave dhe zbardhjen e kësaj ngjarje.(ed.me/BalkanWeb)
