Një sherr banal mes dy të rinjve në Lutraki të Korinthit u kthye në tragjedi me një 17-vjeçar shqiptar të vrarë dhe një 19-vjeçar grek të ndaluar.
Sipas autoriteteve greke, çdo gjë ka nisur kur viktima Aleks Vangjeli, i datëlindjes 2009, me orgjinë nga Berati, është paraqitur në spital me plagë shkaktuar nga mjeti prerës në zonën e barkut.
17-vjeçari dyshohet se shkoi në shtëpi dhe u shtri pasi u godit me thikë në gjoks, pa i treguar familjes së tij se si ishte plagosur. Në agim, ai u gjet i vdekur në shtrat nga vëllai i tij, i cili e çoi në Spitalin e Korinthit.
Ndërkohë, një 19-vjeçar shkoi në Qendrën Shëndetësore me një plagë thike, duke pretenduar se ishte plagosur në një aksident me makinë, gjë që mjekët sigurojnë se nuk është e vërtetë dhe se plagët e tij janë shkaktuar nga një thikë.
“17-vjeçari kishte qenë i vdekur prej disa orësh, 19-vjeçari kishte lëndime në gjoks dhe bark“, thotë një mjek në Spitalin e Përgjithshëm të Lutrakit.
Ndërkohë, së fundmi, ka rënë në pranga autori i dyshuar për vrasjen e 17 vjeçarit.
Autori është një 17 vjeçar, shtetas grek. Sipas tij, shkak ishte një sherr banal mes tyre.
Në pranga u vu edhe e nëna e tij pasi mbi të rëndojnë dy akuza, ajo e lënies pa kujdes të të miturit, dhe tentativa për fshehje të provave.
Viktima Aleks Vangjeli jeton vetëm me të ëmën mbas divorcit të prindërve të tij.
