Një kostum elegant dhe atlete të zeza. Kështu, gjatë vizitës së tij të fundit në Bosnje, Ministri i Jashtëm emiratas Arabe Sheikh Zayed Al Nahyan mbërriti për një takim me anëtarët e Presidencës boshnjake.
Kjo veshje tërhoqi vëmendjen e shumë qytetarëve dhe shkaktoi një numër të madh komentesh, shumë prej të cilave nuk e miratuan.
Edhe pse atletet në raste zyrtare nuk janë diçka që do të shkaktonte skandal, disa komentues në rrjetet sociale madje u ndjenë të ofenduar nga kjo, siç komentojnë mediat sarajevase.
Por kujtojmë gjithashtu se liderët më të lartë të SHBA-së, si Barack Obama apo Bill Clinton, janë parë më herët të veshur “jashtë standartit”.
Natyrisht, nuk mund të mos përmendim rastin e fundit të Presidentit të Francës dhe bashkëshortes së tij. Emmanuel Macron dhe gruaja e tij qëndruan në radhë për t’i bërë nderimet e tyre mbretëreshës së ndjerë Elizabeth dhe të dy kishin atlete në këmbë.
Po ashtu, me atlete është shfaqur dhe zv/presidentja amerikane Kamala Harris, veshur me Converse All Star.
Po kështu dhe Rishi Sunak.
Ky është rasti të kujtojmë se do qe kryeministri Rama që pak vite më parë do ishte lajm dhe në mediat ndërkombëtare, posaçërisht ato europiane, për atletet e tij të bardha në një veshje klasike me kostum e kravatë.
Në shpjegimin e tij, ai tha se gjithçka kishte ndodhur nga një rrethanë aksidentale, duke e parë më pas të udhës që të dilte ashtu në publik, madje dhe në takime zyrtare të shfaqej me konstum e atlete të bardha, duke provokuar kështu një risi në paraqitje. Kësisoj, ai më pas do i dhuronte një palë atlete të bardha Macronit, si të tijat. /tesheshi.com/