Kryetari i Bashkësisë Islame të Kosovës, Myftiu Naim Tërnava u takua me Kryetarin e Entit të Çështjeve Fetare të Turqisë (Dijanet), Ali Erbass, i cili filloi të premten një vizitë në Kosovë.
Tërnava iu dëshiroi mirëseardhje kryetarit Erbash dhe delegacionit që po e shoqëron duke i dëshiruar qëndrim të këndshëm në Kosovë dhe duke falenderuar për vizitën.
Më pas Myftiu Tërnava dhe delegacioni nga Dijaneti u nisën për në Prizren ku falën namazin e xhumasë në Xhaminë “Sinan Pasha”.para namazit të xhumasë Myftiu Tërnava mbajti një fjalim rasti para xhematit ku e falenderoi kryetarin e Dijanetit Erbash për vizitën dhe të gjithë atë që ka bërë Dijaneti për Kosovën, shoqatat turke, mushavirin, ambasadorin, qeverinë dhe popullin turk.
“Është nder dhe privilegj që të kemi sot kryetarin e Dijanetit prof. Dr. Ali Erbash dhe delegacionin e tij për vizitë tek ne. Ata janë në shtëpinë e tyre dhe shprehim falenderime të veçanta për gjithë ndihmën dhe përkrahjen që ka dhënë për ne, duke lutur Zotin që t’i shpërblejë me të mirat e Tij”- tha vec tjerash Myftiu Tërnava.
Më pas ata kaluan në selinë e Bashkimit Islamik në kryeqyteti Prishtinë dhe pas takimit të mbajtur Erbash dhe Tërnava bënë një deklaratë të përbashkët për shtyp.
Duke deklaruar se ai kishte takime të rëndësishme në Kosovë për dy ditë, Erbash tha: “Ne, si Enti dhe Fondacioni i Çështjeve Fetare të Turqisë, kemi një projekt të madh xhamie në Prishtinë. Ne kemi filluar fazën e parë të projektit.”