Dy persona janë arrestuar dhe një vajzë e re është proceduar pasi kishin përshtatur një piceri, për shpërndarjen e drogërave në doza të vogla.
Në pranga ka rënë 24-vjeçari me inicialet L.N, i cili ishte edhe administratori i picerisë, shpërdarësi E.P, si dhe bashkëjetuesja e 24-vjeçarit e cila gjatë kontrollit të policisë e ka fshehur lëndën narkotike.
Në cilësinë e provës materiale një sasi me lëndë narkotike kokainë, kanabis dhe një peshore elektronike.
Njoftimi i policisë:
Specialistët e Seksionit për Hetimin e Narkotikëve bënë arrestimin në flagrancë të shtetasve L. N, 24 vjeç, E. P, 21 vjeç dhe u procedua penalisht shtetasja Xh. Ç, 23 vjeçe. Shtetasi L. N, kishte në administrim një piceri, të cilën e shfrytëzonte për fshehjen e lëndës narkotike, dhe pasi e ndante në doza e shiste më pas nëpërmjet shtetasit E. P, I cili e shpërndante lëndën narkotike duke u kamufluar si shpërndarës picash, ndërsa shtetasja Xh. Ç, (bashkëjetuesja e L.N) ka fshehur lëndën narkotike. Në cilësinë e provës materiale një sasi me lëndë narkotike kokainë, kanabis dhe një peshore elektronike.
(E.K/Faxweb.al)
…
/faxweb
