Shoqata Vatra ka akuzuar ambasadoren e Shqipërisë në Amerikë, Floreta Faber se është vënë në shërbim të kryeministrit Edi Rama në mënyrë të pandershëm për t’i shtruar rrugën për një takim me kongresisten Republikane Lisa McClain.
Në një deklaratë zyrtare, Shoqata Vatra përgënjeshtron mundësinë që anëtari i saj i kryesisë, Valentin Lumaj të ketë folur në një takim me McClain ku ka qenë e pranishme dhe ambasadorja Faber për ardhjen e Kryeministrit shqiptar në Miccigan.
Madje Shoqata Vatra thotë se nuk ka pasur dijeni fare që Ambasadorja Faber do të flasë për kryeministrin Edi Rama në takimin në fjalë, i cili është kërkuar nga Lumaj por jo për të folur për një takim të Ramës me McClain.
Ndër të tjera, Shoqata Vatra bën me dije se gjatë takimit z.Lumaj ka folur për kryeministrin Edi Rama vetëm në një rast, duke u ankuar se po ndihmon në shkatërrimin e të djathtes shqiptare në bashkëpunim të ngushtë me George Soros.
Pikërisht në këtë moment, Shoqata Vatra thotë se ambasadorja Faber është larguar nga takimi me kongresisten, duke thënë vetëm fjalët “shumë politikë për mua”.
DEKLARATE:
Komuniteti shqiptar në Michigan është njoftuar në mënyra të ndryshme jo publike për ardhjen e Kryeministrit Rama në Michigan. Federata Vatra, dega Michigan sqaron publikun se nuk ka asnjë lidhje apo përfshirje të Vatres në këtë ardhje të Kryeministrit Shqiptar. Një pasqyrë e saktë e kësaj është shtjelluar me poshtë:
Pak kohë më parë, Ambasadorja e Shqipërisë Floreta Faber i ka bërë kërkesë anëtarit të kryesisë së Vatrës, z. Valentin Lumaj që të mundsojë një takim me Kongresisten Republikane Lisa McClain, kjo mbas dijenisë së saj të njojes dhe ndimesës së z. Lumaj për kongresisten gjatë fushatës së saj. Kjo kërkesë dhe i gjithë procesi i komunikimit për të mundësuar këtë takim është i dokumentuar. Arsyeja e paraqitur nga Ambasadorja Faber për këtë takim ka qenë krejtesisht e ndryshme nga tema e ardhes së Kryeministrit Rama në Michigan. Z. Lumaj i ka kërkuar një takim zyrës së protokollit të Kongresistes Lisa McClain, në mes Kongresistes, Ambasadores Faber të shoqëruar nga Konsulli i nderit Ekrem Bardha, Kryetarit te Vatrës Michigan Mondi Rakaj dhe z. Valentin Lumaj. Mbasi eshte dakortesuar për kohen dhe vendin e takimit dhe teknalitete te tjera, zyra e Kongresistes McClain ia ka konfirmuar kete takim z. Valentin Lumaj.
Ditën e takimit, në pritje të Kongresistes McClain, Ambasadorja Faber, z. Rakaj dhe z.Lumaj kane biseduar për tema të ndryshme dhe gjendjen në Shqipëri, por në asnjë rast Ambasadorja nuk ka përmendur ardhjen e Kryeministrit Shqiptar në Michigan.
Edhe gjatë takimit me Kongresisten McClain, ambasadorja Faber nuk ka përmendur asnjëherë ne grup ardhjen e kryeministrit shqiptar. Ambasadorja Faber, edhe mund të ketë folur në menyrë të kamufluar me kongresisten McClain, por në asnjë rast përfaqesuasit shqiptarë në ate takim nuk janë njoftuar për këtë vizitë të Kryeministrit Rama në Michigan. I vetmi moment që është përmendur Kryeministri Rama në ate takim është kur z. Lumaj i ka sqaruar gjerë dhe gjatë Kongresistes McClain situatën e vështirë të shkatërrimit të së djathtës politike në Shqipëri si pasojë e influencës së George Soros në bashkëpunim të ngushtë me Kryeministrin Rama dhe se e djathta në Shqipëri, është duke bërë përpjekje të fuqishme për të rindërtuar një parti konservatore në përngjasim të Partise Republikane Amerikane. Gjatë fjalës së z. Lumaj, ambasadorja Faber, dukshëm e pakënaqur nga fjalët e tij e ka nderprerë z. Lumaj dukë thënë: “too much politics for me” dhe është ngritur dhe është larguar duke e braktisur takimin ne mes. Takimi dhe biseda ka vazhduar edhe mbas largimit të ambasadores Faber. Kryetari i Vatres, Mondi Rakaj i ka shprehur kongresistes McClain mbështetjen e tij, te grupimit “Albanians for Trump” dhe të komunitetit republikan shqiptar në Michigan. Z. Lumaj e ka ftuar Kongresisten Lisa McClain në festimet e komunitetit shqiptar te Festes së Pavaresisë së Shqipërisë, ftesë të cilën kongresistja e ka pranuar me kënaqësi dhe aktualisht ka marrë pjesë në këto festime.
Kjo ishte panorama e takimit te treanshëm në mes Kongresistes Lisa McClain, ambasadores Faber dhe perfaqësisë së Vatrës. Dukshem qëllimi i ambasadores Floreta Faber ka qenë shtrimi i rruges se ardhjes se Kryeministrit Rama, por gjithmonë në mënyrë të fshehtë, të padrejtë dhe te pandershme, duke mos e shprehur në asnjë rast qëllimin e vertetë të saj ardhjes në Michigan. Një ambasadore e aftë dhe e përgjegjshme duhet që të njftojë publikisht ardhjen e Kryeministrit shqiptar në Michigan. Vatra Michigan distancohet nga kjo axhendë dhe e cilëson si një miopi ambasadoriale mënyrat e shëmtuara dhe metodave shfrytëzimit të pandersëm të situatave të Ambasadores Floreta Faber në shërbim ndaj Kryeministrit Shqiptar. Koha do të tregojë se dhe gjithçka e bërë në errësirë do të dalë në dritë dhe e vërtëta do të prevalojë.
Dega e Vatrës, Michigan, 29 Nëntor 2021.
…
/faxweb
