Fluturimet çarter që transportojnë presidentët e Turqisë dhe Azerbajxhanit do të ulen në aeroportin Rize-Artvin të Turqisë këtë muaj, duke shënuar uljen e parë në objekt.
Aeroporti do të inaugurohet më 14 maj në prani të presidentit të Turqisë, Recep Tayyip Erdoğan dhe presidentit të Azerbajxhanit, Ilham Aliyev.
Aeroporti është i dyti në Turqi i ndërtuar duke përdorur argjinaturën e detit.
Ceremonia e hapjes do të pasohet nga një darkë për nder të Erdoğanit dhe Aliyevit.
Aeroporti, i cili ka një sipërfaqe të brendshme prej 47 mijë e 133 metrash katrorë, pritet të shërbejë rreth 3 milionë pasagjerë në vit.
Burimi: AA