Presidenti turk Rexhep Tajip Erdogan tha të shtunën se vendi i tij është i aftë të prodhojë 65 përqind të nevojave të industrisë së mbrojtjes.
Në Stamboll, ai vizitoi Programin e Aviacionit, Hapësirës dhe Teknologjisë – TEKNOFEST, i cili hapi dyert për vizitorët për herë të parë.
Me këtë rast, Erdogan përçoi disa mesazhe edhe atdhetare për vizitorët e shumtë.
Duke folur për rëndësinë e zhvillimit teknologjik, ai vuri në dukje rëndësinë e sigurisë digjitale në botën e sotme.
“Nëse ju nuk keni siguri dixhitale, me gjithë ndërmarjen e masave fizike, ju mund të arrini kuptimin e vërtetë të lirisë”, tha Erdogan, duke shtuar: “për sa kohë që në fushën e teknologjisë ne jemi vetëm përdorues e jo ta të cilë planifikojnë e prodhojnë, ne nuk mund të garantojmë lirinë tonë”.
“Në botën e sotme, kushti kryesor për pavarësinë në kuptimin e plotë është se sa vendi arrin një nivel për të projektuar, prodhuar dhe eksportuar në fushën e teknologjisë”, vijoi më tej Erdogan.
Ai shtoi se Turqia kërkon kthimin dhe mobilizimin e shkencëtarëve të saj nga e gjithë bota, të cilët, siç theksoi Erdogan, janë të ftuar për t’u angazhuar në inovacionet teknologjike në dobi të vendit.
