Presidenti turk Rexhep Tajip Erdogan, ishte të dielën në Republikën e vetëshpallur turke të Qipros veriore, ku bëri thirrje për bisedime mbi “dy shtete të ndara” në Qipro, duke hedhur poshtë bashkimin e ishullit si një zgjidhje për çështjen e Qipros.
“Ka dy popuj dhe dy shtete të ndara në Qipro. Negociatat janë të nevojshme për të arritur një zgjidhje të bazuar në dy shtete të ndara,” tha ai në një fjalim në pjesën veriore të ishullit.
Bisedimet e fundit të paqes midis Greqisë dhe turqve qipriotë në 2017 nën kujdesin e Kombeve të Bashkuara, bazuar në idenë e unifikimit të ishujve, dështuan.
Erdogan beson se planet për bashkim janë një e kaluar.
Presidenti turk u takua me udhëheqësin e sapozgjedhur të Qipros veriore, Ersin Tatar.
Tatar, një ish-kryeministër, fitoi zgjedhjet presidenciale muajin e kaluar, që do të thotë se marrëdhëniet me qeverinë e njohur ndërkombëtarisht në Qipro mund të acarohen më tej.
Paraardhësi i Tatarit mbështeti bashkimin, ndërsa ky i fundit nuk ishte në favor të tij.
Turqia është i vetmi vend që njeh Qipron Veriore si një shtet të pavarur.
Qiproja u nda pas pushtimit turk 1974 në përgjigje të një grushti shteti nga Greqia për të aneksuar ishullin.
