Erdogan iu drejtua me një fjalim personelit me detyrë në këtë mision.
“Të gjithëve ju kam sjellë nga vendi im përshëndetjet e 80 milionë qytetarëve të mi. Përshëndetja, dashuria, lutja e çdo pjesëtari të popullit turk është bashkë me ju”, u tha Presidenti Erdogan ushtarëve turq.
“Ajo që ne presim nga trimat tanë në Katar është që gjatë kryerjes së detyrës tuaj ushtarake me armë dhe zemër të ngadhënjeni zemrën e popullit kataras edhe me qëndrimin, dashurinë dhe respektin tuaj”, vijoi kryekomandanti i ushtrisë turke.
“Ushtari turk me mision në Katar ndodhet në shtëpinë e vëllezërve të tij. Ju nuk jeni si ushtarët e vendeve të tjera me mision jashtë shtetit, pasi arsyeja e vetme e ekzistencës tuaj këtu është miqësia, qetësia, siguria e paqja. Domethënia e prezencës tuaj këtu është njësoj si mbështetja që vëllai i jep vëllait”, u shpreh Presidenti Erdoan, duke nënvizuar se Katari nuk është kurbet për ushtarin turk.
Erdogani u uroi ushtarëve suksese në këtë detyrë të shenjtë, e cila përfaqëson Turqinë dhe kombin turk.
“Falënderoj miqtë tanë kataras për mbështetjen që po u japin juve, për lehtësitë që tregojnë, për mundësitë që u kanë siguruar dhe vazhdojnë t’u sigurojnë. Dëshiroj nga Zoti që krizat në rajonin e Gjirit dhe në të gjithë hapësirën tonë gjeografike të përfundojnë sa më shpejt me butësi e zemërgjerësi. Uroj që Perëndia të sjellë një të ardhme të sigurt dhe të begatë bashkë me të gjithë vëllezërit tanë. Zoti ju ruajt nga çdo lloj aksidenti, e keqeje dhe rreziku”, e përfundoi Presidenti Erdogan fjalën drejtuar misionit turk në Katar. //.
