Deputetja e Partisë Demokratike, Albana Vokshi, i është përgjigjur deklaratave të deputetit Erion Braçes, i cili teksa ka komentuar situatën në Kuvend, pas bllokimit të seancës nga opozita, u shpreh se “është një Abana Vokshi, e tmerrshme, ka hip aty ku rri kryetarja e Kuvendit dhe nuk e lëshon”.
Vokshi i është përgjigjur Braçes duke i thënë se “i tmerrshëm është korrupsioni i qeverisë suaj” dhe “korrupsioni i Edi Ramës, Ilir Beqajt, Ogerta Manastirlliut, Frida Krifcës, apo edhe Fredi Kokoneshit të Divjakës.”
Ndër të tjera, deputetja e PD ka thënë se “as na blini, as na mbani peng, as na intimidoni, as na frikësoni, as na kërcënoni, as na shantazhoni dot”.
“Rezistenca vazhdon!”, ka theksuar ajo.
Reagimi i plotë
Përgjigje për Erjon Bracen:
I tmerrshëm është korrupsioni i qeverisë suaj.
I tmerrshëm është korrupsioni i Edi Ramës, Ilir Beqajt, Ogerta Manastirlliut, Frida Krifcës, apo edhe Fredi Kokoneshit të Divjakës.
Nuk është e tmerrshme qëndresa e opozitës për të kërkuar të drejtën kushtetuese.
E tmerrshme është si shkelet kushtetuta nga ana juaj!
As na blini, as na mbani peng, as na intimidoni, as na frikësoni, as na kërcënoni, as na shantazhoni dot. Rezistenca vazhdon!!!