Kryeministri Edi Rama e cilësoi gabim fatal anulimin e zgjedhjeve nga Ilir Meta dhe këtë sipas shefit të qeverisë presidenti e bëri për të nxitur dhunën.
Gjatë një takimi me banorët e Njësisë Administrative Nr.6 paraditen e sotme, Rama ironizoi Metën teksa tha se ai është një personazh kompleks, “është si Hëna, rrotullohet dhe herë është e plotë dhe herë e qorruar komplet”.
“Meta është personazh kompleks, ka bërë gjëra të mira, ka bërë të gabuara, nuk kemi se cfarë i bëjmë.
E bëri për të nxitur dhunën dhe gjithë këto ditë nuk ka thënë një fjalë kundër dhunës dhe ishte fatale për të.
Ai është si Hëna, rrotullohet dhe herë është e plotë dhe herë e qorruar komplet” tha Rama.
Gjithashtu kreu qeverisë u rikthye edhe te mitingu dje në Shkodër dhe protestat që zhvilloi opozita kundër vizitës së tij.
“Nuk ka ndodhur asnjëherë që PD-ja dhe PS-ja të përplasen, gjithmonë mitingu i fundit negociohej dhe asnjëherë nuk kishte përplasje.
Kjo histori që i bën thirrje popullit që kryeministri të mos futet në qytet, kjo është si enversitët në 1990.
Ajo (Voltana Ademi) është mbretëresha e pisllëkut. Manipulojnë punonjësit, hajde këtu se do të heqim nga puna”– tha Rama. ()
