Një nga vullkanet më të famshëm në vargmalin Erta Ale të Etiopisë ka shpërthyer për herë të parë pas mijëra vitesh.

Shpërthimi filloi rreth orës 08:30 (ora lokale) dhe konsiderohet aktiviteti i parë i vullkanit. Maja ndodhet në rajonin e paarritshëm Danakil, ku shpërthimi u konfirmua fillimisht përmes të dhënave satelitore.

Çfarë thonë analistët?

Analistët që monitorojnë ngjarjen raportuan një kolonë masive hiri, që vlerësohet të ketë arritur një lartësi prej 13 deri në 15 kilometra. Që atëherë, kolona është lëvizur drejt lindjes mbi Detin e Kuq, duke prekur pjesë të Arabisë jugperëndimore, përfshirë Jemenin dhe Omanin.

Profesori i vulkanologjisë Simon Carn konfirmoi shpërthimin përmes imazheve satelitore, duke raportuar një emetim të madh të dioksidit të squfurit (SO₂).

SO₂ është një tregues kyç i aktivitetit shpërthyes vullkanik dhe çlirohet kur magma ngrihet pranë sipërfaqes ose gjatë shpërthimeve.

Tregues i një shpërthimi të afërt

Nivelet e larta të SO₂ janë një shenjë e një shpërthimi të afërt në shkallë të gjerë dhe mund të çojnë në formimin e mjegullës vullkanike. Qendra Këshillimore për Hirin Vullkanik të Tuluzës (VAAC) ka lëshuar njoftime për aviacionin dhe po monitoron përhapjen e hirit në zonat përreth.

Hayli Gubbi është një vullkan mburojë në rajonin Afar të Etiopisë dhe vullkani më jugor në vargmalin Erta Ale. Edhe pse shtrihet në një zonë shumë aktive vullkanike, vetë vullkani ka mbetur “i heshtur” për mijëvjeçarë.

Provat gjeologjike tregojnë se nuk ka ndodhur asnjë shpërthim gjatë gjithë Holocenit, ose 10,000 viteve të fundit, duke e bërë aktivitetin aktual jashtëzakonisht të rëndësishëm.

Meqenëse zona është jashtëzakonisht e izoluar dhe konsiderohet si një nga vendet më të nxehta dhe më të paarritshme në Tokë, vëzhgimet nga toka janë shumë të kufizuara. Autoritetet nuk kanë raportuar ndonjë ndikim të menjëhershëm, por po e monitorojnë nga afër situatën nëpërmjet satelitit.

Përshtati në Shqip S

Rent Car Berat
Subscribe kanalin tonë në Youtube për të mos humbur asnjë video të re