Mesfushori i ekipit të futbollit të Danimarkës, Christian Eriksen, u përplas në tokë gjatë ndeshjes së vlefshme për Euro 2020 mes Danimarkës e Finlandës.
Lojtarët e skuadrës vrapuan drejt tij së bashku me ekipin mjekësor, i cili kreu CPR (ringjallje kardiopulmonare) mbi 29 vjeçarin.
Pas disa minutash mesfushori i Inter-it u largua me barrelë dhe me një maskë oksigjeni në fytyrë.
Ndeshja mes Danimarkës e Finlandës u anullua, ndërsa UEFA reagoi përmes një postimi në rrjetet sociale, ku theksoi se tashmë Eriksen ndodhet në spital dhe është në gjendje të qëndrueshme. 29 vjeçari po i nënshtrohet analizave për të zbuluar se çfarë pësoi gjatë ndeshjes.
Një moment prekës ishte dhe hyrja në fushë e partneres së mesfushorit, Sabrina Kvist Jensen.
Schmeichel dhe Kjaer i shkuan pranë dhe u munduan ta qetësojnë.