Europol ka publikuar raportin e luftës kundër drogave I cili e përkufizon Shqipërinë si burimin kryesor të lendeve narkotike drejt BE dhe shqiptarët si zotër të marijuanës e kanabisit. Sipas raportit grupet kriminale mes tyre edhe shqiptarë, falë trafikut të drogës gjenerojnë 24 miliardë euro në vit.
“Drogat si Kokaina, Heroina dhe Marijuana po mbajnë në këmbë krimin e organizuar, mes tyre edhe krimin në Shqipëri. Shqipëria mbetet burimi kryesor i kanabisit bimor i trafikuar në BE. Rrugët e trafikimit janë nga deti ose nëpërmjet pikave të ndryshme kufitare. Gjithashtu përdoren anije ose gomone për të çuar drejt vendeve të BE-së, tonelatat e drogës”, theksohet në raportin “Si Droga të Paligjshme Mbështesin Krimin e Organizuar në BE”.
Raporti nënvizon se grupet kriminale arrijnë të pastrojnë pjesën më të madhe të këtyre parave, duke investuar në biznese. Vetëm 1% e të ardhurave që fitojnë trafikantet konfiskohet nga autoritetet. Ne raport thuhet se grupet kriminale që fitojnë miliona euro nga trafiku i drogës, në disa raste kanë lidhje edhe me terrorizmin. Gjithashtu ngrihet shqetësimi se në 5 vitet e fundit, në treg kanë hyrë rreth 620 substanca të reja. Droga e re e cila po merr një përhapje të gjerë, quhet Fentanile. Disa lloj substancash të paligjshme kanë filluar të shiten gjerësisht në internet.
