Lufta Rusi-Ukrainë rriti në mënyrë të menjëhershme çmimin e grurit në tregjet ndërkombëtare, por fabrikat e përpunimit të miellit në vendin tonë thonë se kanë rezerva për 3 muaj.
Gjatë kësaj periudhe, Shqipëria nuk ka nevojë të importojë grurë e drithëra nga Rusia, që është furnizuesi kryesor për ne, që do të thotë se do t’i shmangë për pak kohë çmimet e rritura në tregjet e huaja.
THEODHOR KRISTULI
UNIONI TREGTAR AGROUSHQIMOR
“Aktualisht mesa di depozitat janë të mbushura, por mund të zgjasë vetëm 2-3 muaj.”
Por pavarësisht kësaj, importuesit lënë të hapur mundësinë për të rishikuar çmimin e bukës, e ndikuar kjo nga prodhimi i ulët dhe kriza energjetike që ka rritur kostot.
THEODHOR KRISTULI
UNIONI TREGTAR AGROUSHQIMOR
“Me çmimin situata është shumë e hapur. Edhe sot që flasim në Amerikë çmimi është rritur me 10%. Situata pritet të agravohet më tepër.”
Nëse do të ketë një bllokim të furnizimit me grurë nga Rusia dhe Ukraina, tregtarët thonë se po shohin mundësitë alternative në Francë e Kanada.
