Një familje në Napoli, Florida, shtëpia e së cilës u godit nga mbeturinat që ranë në Tokë nga hapësira, po kërkon 80,000 dollarë nga NASA për dëmshpërblim.
Një pllakë cilindrike metalike nga një paletë ngarkesash e shkëputur nga Stacioni Ndërkombëtar i Hapësirës në vitin 2021 goditi shtëpinë e familjes Otero më 8 mars 2024, ndërsa djali i tyre Daniel ishte në shtëpi.
Cilindri metalik peshonte 700 gram dhe kishte përmasa afërsisht 10 cm me 4 cm.
Askush nuk u lëndua nga incidenti, megjithëse pllaka la një vrimë në tavan dhe dysheme.
Agjencia hapësinore amerikane më vonë konfirmoi se mbeturinat erdhën nga pajisjet e saj. Një pjesë e mbeturinave mbetën të paprekura në vend që të shpërbëheshin pasi hynë në atmosferën e Tokës, shpjegoi ai.
NASA ka gjashtë muaj kohë për t’iu përgjigjur padisë, raporton Guardian.
