Tetë raste të reja me koronavirus janë konfirmuar me koronavirus këtë të shtunë në Durrës duke e çuar në 18 numrin e personave të sëmurë aktive.
Gazetari Leonidha Musaj raporton për Abc News bën me dije se rastet e reja të konfirmuar në qytetin bregdetar janë punonjës të rrjetit të fasonerive “Endi”, e cila ka një fabrikë në Krujë, e cila u bë vatra e infeksionit në këtë qytet.
Ndër të tjera gazetari bën me dije se dhe pse ditët e fundit numri i rasteve me koronavirus në Durrës është rritur, qyetarët nuk e marrin parasysh një fakt të tillë por shijojnë shëtitjet e tyre në grupe përgjatë bregdetit.
Lexo edhe: Rritet numri i të infektuarve me Covid 19, konfirmohen 17 raste te reja
Ndërkohë numri i të infektuarve në vendin tonë tashmë ka arritur në 933 mes të cilëve 31 kanë humbur jetën dhe 714 janë shëruar.
