Deputeti demokrat Ervin Salianji ka vizituar një fasoneri në Has, ku thotë se kjo industri është punëdhënësi më i madh, por sipas tij qeveria nuk bën asnjë përpjekje për t’i ndihmuar, tani që janë në rrzik për shkak të zhvlerësimit të euros.
Saliani thotë ndër të tjera se rënia e eruos ka sjellë pasiguri dhe demtim të ketij sektori, e rrezikon të nxjerrë të papuna shumë vajza, gra e kryefamiljare, në gjithë vendin.
Postimi i Salianjit:
Paratë e krimit po shkatërrojne ekonominë! Fasoneria një ndër sektorët në rrezik, qeveria ekziston vetëm për të pasurit!
Probleme, shqetësime, pamundesi e sakrificë për të mbijetuar, dhe qeveria që nuk ekziston për njerëzit. E njejta panoramë në çdo cep të vendit. Dje në Gjirokastër me profesionistët e lirë, e sot në skajin verior.
Në Has takova dhjetra zonja që punojnë pa u lodhur në industrinë e fasonëve, fatkeqësisht të vetmet që sigurojnë të ardhura në familjet e tyre! Renia e Euros ka sjellë pasiguri dhe demtim të ketij sektori, e rrezikon të nxjerrë të papuna shumë vajza, gra e kryefamiljare, në gjithë vendin, si këto në Has. Llogaritet që rreth 75000 familje mbahen nga puna në fasoneri.
Në zonat e vogla si në Has kjo industri është punëdhënësi më i madh.
Qeveria në indiferencë të plotë, nuk bën asnjë përpjekje për të ndihmuar, a zbutur demin që ka shkaktuar zhvlerësimi i euros. Modeli ekonomik i rilindjes nuk është për njerëzit që lodhen e punojnë shumë. Është për krimin e oligarkët.
