Punimet per krijimin e hapësirave çlodhëse dhe lulishteve përreth sheshit “Skenderbej” kane hyre ne fazën përmbyllëse. Ne pranvere sheshi do te marre formën e plote te tij, se bashku me dy lulishtet e mëdha, ajo para Bashkisë se Tiranës dhe lulishtja e madhe para Bibliotekës Kombëtare.
Kur kane mbetur edhe disa muaj nga përfundimi i projektit te qendrës, Bashkia ka bere edhe devijimin e fundit ne rrugët përreth sheshit. Segmenti mes Bankës se Shqipërisë dhe Partisë Socialiste mbyllet përfundimisht per qarkullimin e mjeteve. Rruga do te jete vetëm per këmbësoret dhe mjetet e autorizuara te institucioneve përreth.
Me mbylljen e segmentit pranë Partisë Socialiste, lëvizja e automjeteve do te behet ne drejtim te rrugës “Ibrahim Rugova” ne zonën e shallvareve ose duke marre djathtas ne krah te parkut “Rinia”. I vetmi aks qe do jete i hapur edhe pas përfundimit te projektit te qendrës është rruga “Abdi Toptani” mes bashkisë dhe Ministrisë se Trasnporteve.