Fermeret e fshatrave Gajdë dhe Sheq-Gajdë ne Berat po përballen me një situatë të vështirë pasi nuk po shesin dot prodhimet e tyre bujqësore.
Shkak për këtë situatë, sipas fermerëve, është bërë bërë çmimi ulët në treg që u kërkohet për të shitur produktet por edhe mungesa e subvencioneve nga ana e shtetit.
Te ndodhur pëerballe kësaj situate nje pjese e fermereve kane zgjedhur që ta hedhin te gjithe prodhimin ne kanale apo ta perdorin si ushqim per bagetitë.
Ata thonë gjithashtu se problemet financiare po i detyrojnë që të shkojnë drejt falimentit, ndërsa paralajmërojnë se nuk do t’i punojnë tokat e tyre për këtë vit.
“Nuk i mbjellim dot më serat dhe tokat bujqësore këtë vit sepse jemi të falimentuar,nuk kemi marrë asnjë ndihmë nga shteti. Bujqësia në Gajdë ka mbaruar,kanalet janë mbushur plot dhe ne s’kemi me se të jetojmë”
Dy fshatrat shtrihen përgjatë rrugës nacionale Berat-Lushnje dhe njihen për prodhimet e shumta bujqësore. Si pasojë e mungesës së tregut shumë fermerë kanë zgjedhur edhe ti braktisin tokat e të emigrojnë.
