Fermerët e fshatrave Mançurisht, Progër e Vranisht në bashkinë e Devollit edhe këtë vit vazhdojnë të presin sipërfaqe të mëdha me mollë të varieteteve të ndryshme.
E gjithë kjo situatë, sipas tyre është krijuar për shkak të mungesës së tregut kryesisht për mollët tradicionale gold dhe starking.
Dorian Rusi, fermer i kësaj zone, kishte mbjellë qindra mollë pas kthimit nga emigracioni. Prej dhjetë vitesh ai është përpjekur të shtojë prodhimin e ta shesë atë, edhe me çmime nën kosto. Por tkurrja e tregut po e detyron atë të presë pemët e ndoshta edhe ta rikthejë në emigracion.
DORIAN RUSI
FERMER I FSHATIT MANÇURISHT
Erdha nga greqia. Mbolla bahcat, e tani do iki prape. Ca te bejme ketu? Po vdesim per buke. Hodha 4.5 mln, mora 3.5 mln leke. Ca do bej me kaq? Kam tre femije. Rruga e vetme, i preme e tani te ikim ne emigrim. Vetem pleq ka ne fshat.
Si të mos mjaftonin problemet me tregun, fermerët në Devoll u përballën këtë vit edhe me dëmtimin e prodhimit të mollëve nga breshëri.
YLBER ZACLLI
FERMER I FSHATIT VRANISHT
Vetem motorseka kercet. Ca te bejme nuk shkon asnjegje. Kam patur 10 dylym molle do i prese te gjitha.
MYREDER MUSA
FERMER I FSHATIT MANÇURISHT
Popullsia eshte rralluar. Ska kerkese. Kam prere 3 dylym
Në Agjencinë Rajonale të Bujqësisë Korçë, thonë se kjo situatë është pasojë e ndryshimit të kultivarëve të mollës nga fermerët, që kanë hequr dorë nga varietetet të cilat nuk kërkohen nga tregu vendas.
Por fermerët duhet të tregojnë më shumë kujdes për cilësinë e prodhimit si dhe standardizimin, nëse duan të dalin në tregun rajonal.
Në fushën e Devollit janë mbjellë më shumë se 780 hektarë me mollë, ndërkohë që sipas fermerëve, gjatë viteve të fundit, është prerë afro gjysma e kësaj sipërfaqeje.
