Prindërit e ardhshëm që përdorin fertilizimin in vitro (IVF) së shpejti do të jenë në gjendje të zgjedhin embrionet bazuar në rrezikun e tyre të mundshëm për sëmundje, duke përfshirë sëmundjet që zhvillohen më vonë në jetë, falë një shërbimi inovativ prej 5,999 dollarësh të njoftuar këtë javë nga një kompani amerikane e bioteknologjisë.
Startup i testimit gjenetik “Nucleus Genomics”, i themeluar nga 25-vjeçari Kian Sadeghi, fillimisht u lançua në vitin 2021 me qëllim llogaritjen e rrezikut të një pacienti për sëmundje specifike.
Por ka shkaktuar polemika për vite me radhë me produkte që pretendojnë se u tregojnë njerëzve se si gjenetika e tyre lidhet me një sërë çështjesh komplekse, përfshirë IQ-në e tyre.
Po tashmë, Nucleus thotë se mund të testojë embrionet e fertilizimit in vitro jo vetëm për gjene specifike të njohura që kanë një shans të lartë për sëmundje si kanceri i gjirit, por edhe për pamjen – seksin, gjatësinë, ngjyrën e flokëve, ngjyrën e syve – si dhe IQ dhe atribute komplekse shëndetësore si ankthi dhe ADHD.
Videoja e lançimit përfshin një pamje të ekranit të një menyje krahasimi. Ideja është të ndihmohen prindërit të zgjedhin se cilët embrione të zgjedhin dhe cilët jo.
Testimi gjenetik i embrioneve nuk është i pazakontë. Mjekët e fertilizimit in vitro mund të testojnë për gjenet që mund të shkaktojnë gjendje si sindroma Daun, ose kur prindërit e dinë se janë në rrezik të lartë për një çrregullim të caktuar gjenetik, si fibroza cistike.
Por kjo nuk është pikërisht ajo që po bën Nucleus. Ai po përdor “rezultate poligjenike” të diskutueshme për të përcaktuar “rezultate komplekse gjenetike, si inteligjenca dhe ankthi”, thotë një zëdhënës.
Ka një arsye pse mjekët zakonisht nuk përdorin teste të tilla për individët. “Pikët e rrezikut poligjenik nuk përdoren ende rregullisht nga profesionistët e shëndetit sepse nuk ka udhëzime për praktikën dhe studiuesit ende po përmirësojnë mënyrën se si gjenerohen këto rezultate”, sipas NHGR.
Nucleus mbron idenë se metoda e tyre mund të përdoret për të përcaktuar rrezikun e një individi.
Postimi i së mërkurës në Tëitter u premtonte prindërve se Nucleus mund t’i ndihmojë të krijojnë foshnje të projektuara.
