Fibrat janë janë shumë të rëndësishme për shëndetin; ulin rrezikun për sëmundjet e shumta kronike siç janë: sëmundjet e zemrës, diabeti i tipit 2, tretja e ushqimit dhe obeziteti.
Fibrat ndihmojnë bakteret e dobishme të zorrëve, të cilat kanë një ndikim të konsiderueshëm në shëndetin tuaj të përgjithshëm.
Studimet tregojnë që shumica e njerëzve, posaçërisht në shtetet e Perëndimit, hanë vetëm rreth gjysmën e fibrave minimale të rekomanduara ose rreth 15 gramë në ditë, shkruan Healthline.
Llojet e fibraveKa dy lloje fibrash: Të tretshme dhe të patretshme. Që të dyja këto janë të rëndësishme për shëndetin dhe veprojnë në mënyra të ndryshme në sistemin e tretjes.
Fibrat e tretshme treten në ujë dhe formojnë konsistencën ngjashëm me xhelin. Ndihmojnë në uljen e nivelit të ngritur të kolesterinës dhe përmirësojnë rregullimin e sheqerit në gjak.
Fibrat e patretshme nuk treten në ujë dhe qëndrojnë kryesisht të paprekura derisa shkojnë në sistemin tuaj të tretjes. Posaçërisht janë të mira për zvogëlimin e kapsllëkut.
Cilat ushqime janë të pasura me fibra?
Fibrat gjenden natyrshëm në ushqimet bimore, duke përfshirë frutat, perimet, drithërat, arrat, farat dhe bishtajore. Ka më shumë fibra në ushqimet me drithëra të plota, të tilla si makaronat dhe buka me grurë të plotë, sesa në versionet e bardha dhe të rafinuara të këtyre produkteve. Përveç kësaj, ju merrni më shumë fibra duke ngrënë fruta dhe perime të plota sesa duke pirë lëngje të bëra prej tyre.
Sugjerimet e ekspertëve për marrje të fibrave janë 25 gramë në ditë për femrat e rritura dhe 38 gramë në ditë për meshkujt e rritur.
Te personat mbi 50-vjeç duhet të marrin në 21 gramë femrat dhe 30 gramë në ditë meshkujt.
/shkollaeshendetit.com
