Banorët e Povelçës në Fier u ngritën në protestë këtë të mërkurë për të kundërshtuar ndërrimin e matësve të energjisë elektrike. Pjesë e protestës ishte edhe ish-deputeti i PD, Luan Baçi, i cili akuzoi OSHEE se po vjedh qytetarët.
“Është një abuzim shumë i rëndë me matësit e energjisë elektrike. Matësit janë hequr nga OSHEE pa paralajmërim, janë montuar sahate të rinj dhe u kanë faturuar afrofe energji elektrike në shuma të konsiderueshme lekësh. Kjo është një vjedhje e hapur. Bëhet për të mbuluar deficitet e tyre.”
Banorët pretendojnë se prej një muaji u janë hequr sahatët e energjisë nga shtëpia, duke pretenduar se tani do të paguajnë çmime më të kripura.
