Besimtarët myslimanë në të gjithë botën po festojnë Fiter Bajramin.
Pas përfundimit të muajit të shenjtë të Ramazanit, xhamitë në të gjithë botën mbajtën lutjet e veçanta të Bajramit, ndërsa disa kanë organizuar hapësira më të mëdha lutjesh në ambientet e jashtme.
Nga Azia në Lindjen e Mesme, Europë dhe Amerikë myslimanët uruan njëri-tjetrin, pas faljes së namazit në xhami.
Si çdo vit, qyteti i shenjtë i Mekës ka pritur qindra mijëra besimtarë.
Edhe xhamia Al Aksa në Jeruzalem priti mëngjesin e kësaj të premteje lutjet e mijëra besimtarëve, pavarësisht tensioneve të muajit të fundit.
Xhamia historike Blu në Turqi gjithashtu mblodhi mijëra besimtarë.
Fiter Bajrami është një nga dy festat më të rëndësishme të kalendarit islamik.
