Një zjarr i madh ka përfshirë vendgrumbullimin e mbetjeve në Vlorë që prej mëngjesit të së dielës. Shefi i zjarrfikësve, Luan Kapaj ka treguar për ABC News, se si është situata aktuale e zjarrit.
Ai ka zbuluar se gjithçka është në kontroll, por ka qene një zjarr tepër i vështirë, pasi mbetjet e grumbulluara janë nga më të ndryshmet. Si pasojë, kanë rrezikuar jetën e tyre për të mos ndikuar te banesat.
“Situata për momentin është në kontroll, por ka qene një zjarr tepër i vështirë për ta vënë në kontroll, sepse këtu te vendi i grumbullimit të mbetjeve, ka lloj lloj mbetjesh që digjen dhe krijojnë shpërthime të ndryshme. Plus era që i përhapi në mënyrë të rrufeshme ndikoi. Banesat nuk rrezikojnë, sepse ne rrezikuam jetën tonë për të mos u përhapur më shumë ky zjarr.
Mbetjet janë depozituar me vite të tëra dhe është shumë vështirë për ta vënë në kontroll këtë zjarr”, tha Kapaj.
