9 maj – Në sezonit turistik 2019, specialistët e DRKK Berat po vijojnë punën për mirëmbajtjen dhe pastrimit e vegjetacionit pranë monumenteve të kulturës.
Gjatë ditës së sotme specialistët e DRKK Berat kanë bërë pastrimin nga vegjetacioni pranë kishës së Shën Triadhës ku gjithashtu kanë meremtuar dhe shkallët që të çojnë në këtë kishë.
Mirëmbajtja e monumenteve dhe hapësirave rreth tyre mbetet një nga sfidat e përditshme të punonjësve që kërkon mbështetjen dhe ndërgjegjësimin e qytetarëve në mbajtjen pastër të mjediseve për një imazh më dinjitoz ndaj mijërave turistë që mbushin çdo ditë qytetin e Beratit.
Kisha është e tipit kryq i brendashkruar me kupolë. Në kishë janë përdorur me mjeshtëri shumë tipare të arkitekturës bizantine, që e bëjnë këtë monument një nga më interesantët dhe më piktoreskët në Kalanë e Beratit.