Pas rreth dy muajsh nga vrasja makabre Ilaria Sulës nga ish i dashuri i saj filipinas, Mark Samson, janë zbuluar detaje nga hetimet e kryera në banesën e të riut, ku ai vrau me thikë 22-vjeçaren shqiptare me tre goditje në qafë dhe më pas e futi në një valixhe, duke hedhur më pas në greminë.
Ilaria
Sipas mediave italiane, pamjet nga dhoma e 23-vjeçarit tregojnë se janë lëvizur mobiljet e dhomës së tij për të fshehur gjurmët e gjakut.
Po ashtu, aty është gjetur dhe çanta me rrobat që Ilaria Sula kishte sjellë në shtëpinë e djalit, pasi kishin vendosur të përfundonin lidhjen.
I arrestuar, 23-vjeçari ka ndarë skicën e dhomës së tij para dhe pas vrasjes. Megjithatë, mobilje me libra që nuk ishte gjithmonë aty, është vendi ku Ilaria u vra dhe ra në tokë. Nëna e Mark ka lëvizur mobiljen për të fshehur gjurmët e gjakut dhe ka ndryshuar pozicionin e krevatit.
Edhe nëna e tij është nën hetim nga prokuroria e Romës për bashkëpunim në fshehjen e trupit të pajetë, për shkak të ndihmës që i ka dhënë djalit për të pastruar skenën e krimit.
Në intervistat e saj, nëna ka folur gjithashtu për sjelljen e djalit të saj. Ndërkohë, babai i tij, pozita e të cilit ende po shqyrtohet, nuk ka vënë re ndryshimet në pozicionin e mobiljeve.
Policia shkencore është duke bërë hetime për të kuptuar nëse ka pasur persona të tjerë të përfshirë në krim.
