Polica e Shtetit ka arritur të zbardhë dhe dokumentojë ngjarjen e ndodhur më datë 24.06.2023, ku në Unazën e Re, shtetasi Artan Tafani nën kërcënimin e armës, vodhi 40 mijë euro në pikën e një këmbimi valutor.
Së fundmi policia ka vënë në pranga shtetasin Enio Mecaj, me akuzën e pengimit të zbulimit të ngjarjes, pasi ka ndihmuar autorin 39-vjeçar të fshehë rrobat dhe materialet në garazhin e tij.
LEXO EDHE: FOTO/ Ky është 39-vjeçari me precedentë të theksuar kriminal që grabiti 40 mijë euro në Astir, çfarë u zbulua në garazhin e “mikut” të tij
Autori Artan Tafani i njohur edhe me emrin Marius është shpallur në kërkim, ndërsa mësohet se rezulton me precedentë të mëparshëm kriminalë në fushën e grabitjes.
Policia ka arritur të gjurmojë autorin përmes kamerave të sigurisë hap pas hapi, i cili menjëherë pas grabitjes është larguar me biçikletë dhe më pas ka përdorur edhe taksi.
LEXO EDHE: Grabiti një pikë këmbimi valutor në Astir, identifikohet dhe shpallet në kërkim autori, një i arrestuar
ABC News ka arritur të sigurojë momentin kur 39-vjeçari largohet me biçikletë pas grabitjes në pikën e këmbimit valutor.
Polica raportoi se në garazh u gjet edhe një makinë e vjedhur në Shijak, ngjarje kjo që kishte mbetur e pazbardhur, për të cilën dyshohet se autorë janë Tafani dhe Meçaj.r.t
