Haxhi, i cili këtë vit mblodhi numrin më të madh të besimtarëve që nga fillimi i pandemisë, filloi të mërkurën me mbërritjen e qindra mijëra njerëzve në vendin më të shenjtë të Islamit, në Mekë.
Një milion besimtarë të vaksinuar, 850,000 prej tyre nga jashtë, morën leje nga autoritetet e Arabisë Saudite për të marrë pjesë në Haxh këtë vit, pas dy vitesh kufizime drastike për shkak të COVID-19.
Në Xhaminë e Madhe të Mekës, pelegrinët kryen “tavafin”, një xhiro rrethore rreth Qabesë, drejt së cilës janë të drejtuara të gjitha xhamitë në botë dhe në drejtimin që kthehen muslimanët gjatë namazit.
Shumë besimtarë e kryen ritualin pa maskë mbrojtëse, edhe pse autoritetet saudite njoftuan në qershor se do të ishte i detyrueshëm në Xhaminë e Madhe.
Pelegrinët mbanin çadra për t’u mbrojtur nga dielli në temperatura mbi 40 gradë.
Ka njëzet spitale me rreth 1,000 shtretër të kujdesit intensiv dhe 147 qendra kujdesi në dispozicion të pelegrinëve, si dhe 25,000 punonjës shëndetësorë janë të vendosur në Mekë dhe Medinë.
Në vitin 2019, rreth 2.5 milionë myslimanë nga e gjithë bota morën pjesë në pelegrinazhin, i cili është një nga pesë shtyllat e Islamit dhe duhet të kryhet nga çdo musliman një herë në jetën e tij nëse ka mundësi financiare he shëndet për ta bërë këtë.
Vetëm 60,000 qytetarëve dhe banorëve të vaksinuar nga Arabia Saudite iu dha leja për të shkuar në Haxh në vitin 2021.
Këtë të enjte, pelegrinët shkojnë në Mina, rreth pesë kilometra larg Xhamisë së Madhe përpara ceremonisë kryesore në malin Arafat, ku Profeti Muhamed mbajti predikimin e tij të fundit.
Katër spitale dhe 26 qendra mjekësore janë gati në Mina, raportojnë mediat saudite.
Për shkak të virusit korona, tubimet e mëdha lejohen vetëm për muslimanët e vaksinuar nën moshën 65 vjeç, ndërsa ata nga jashtë duhet të tregojnë një test negativ PCR të kryer 72 orë para udhëtimit.
Haxhi, i cili kushton të paktën 5,000 euro për person, është një burim i madh të ardhurash për ekonominë saudite, e cila është shumë e varur nga nafta.
Para pandemisë, pelegrinazhet sollën miliarda dollarë të ardhura. /tesheshi.com/
