Ky që shihni në fotografinë e mësipërme është Marjus Sina, i cili së bashku me vëllain e tij kërcënuan prokurorin Behar Dibra, duke u hequr siku ishin punonjës policie.
Ngjarja është shënuar rreth tre ditë më parë në hyrje të tunelit Elbasan Tiranë, ndërsa dy vëllezërit Sina u arrestuan në Durrës.
Dyshohet se vëllezërit fotografuan automjetin, me të cilin po udhëtonte prokurori. Ky i fundit njoftoi policinë, ndërkohë që të rinjtë u larguan vetëm pasi Behar Dibra u tregoi dokumentin e tij që ishte prokuror i SPAK.
Ndërkohë, vëllezërit Sina u lanë dje në arrest në burg nga Gjykata e Elbasanit, për kundërshtim dhe mosbindje ndaj autoritetit shtetëror, kanosje të prokurorit dhe mbajtje pa të drejtë të titullit apo stemës së policisë.
