Policia e Kretës është mobilizuar për lokalizimin e 5 të arrestuarve që u arratisën nga burgu, mes tyre 4 shqiptarë dhe një pakestinezë sipas medias greke Protothema.
Më herët është lokalizuar një mjet “i dyshimtë” i braktisur, që mund të jetë përdorur për tu arratisur nga 5 të dënuarit.
Autoritetet kanë marrë shenjat e gishtave në mjetin që u gjet i braktisur për të arritur në përfundimin nëse u përket të dënuarve që u arratisën apo jo.
Njëkohësisht po hetohet mundësia që ata të kenë lënë makinën aty dhe të kenë lëvizur me mjet tjetër.
Të arrestuarit kishin mbërritur në Hania mëngjesin e së shtunës, 5 shkurt.
Burime të pakonfirmuara thonë se të arrestuarit e arratisur kanë arritur të sharrojnë parmakët në dritaren e tualetit të paraburgimit.
Pesë të arrestuarit, katër me origjinë shqiptare dhe një me origjinë pakistaneze, ishin dënuar për krime si grabitje, vrasje dhe drogë.
35-vjeçari pakistanez është i dënuar për vrasje në seri.
Një 43-vjeçar shqiptar i dënuar për organizatë kriminale, grabitje, vjedhje, armëmbajtje pa leje.
Një shqiptar 32-vjeçar i dënuar për grabitje. Për të njëjtën akuzë edhe një 29-vjeçar.
Gjithashtu i dënuar është edhe një shqiptar për trafik droge.
në Facebook, klikoni Join Group
…
/faxweb