Hetimet e autoriteteve greke për rrethanat në të cilat 20-vjeçari shqiptar humbi jetën pas një sherri të ndodhur në Kretë, vijojnë.
Sipas informacioneve të fundit nga mediat greke, 5 persona u ndaluan orët e fundit, po vetëm dy grekë janë lënë në paraburgim. Tre të tjerët, nga Gjeorgjia, Bullgaria dhe Rumana, u lanë të lirë pasi nuk ishin përfshirë në përleshjen fatale.
Sipas dëshmive të banorëve, i riu fatkeq është rrahur rëndë nga një grup të rinjsh derisa në një moment ka arritur të arratiset, ka ecur në gjendje të keqe drejt sheshit ku është rrëzuar.
Më pas ka mbërritur ambulanca, por ai ka humbur jetën.
Sipas burimeve policore, dy grekët aktualisht po mbahen në paraburgim për dëmtimet fizike të shkaktuara nga sherri, ndërsa në varësi të gjetjeve të autopsisë, nuk përjashtohet mundësia që ndaj tyre të rëndon edhe akuza e vrasjes.
