Covid-19 fillimisht u mendua të ishte një sëmundje, që synonte të dëmtonte vetëm mushkëritë.

Por studimet e mëtejshme kanë treguar se infeksioni në të vërtetë mund të dëmtojë edhe organe të tjera jetësore përfshirë këtu edhe sëmundje të trurit.

Shefja e Infektivit Najada Çomo ka postuar së fundmi disa foto të specialistëve të neurologjisë dhe reumatologjisë, të cilët kanë shkuar në spitalin Infektiv për të kryer konsulta me pacientët e prekur nga Covid.

Specialistët e shëndetit edhe më herët kanë deklaruar se pacientët e infektuar, kanë disa shqetësime shoqëruese, ndërkohë që të tjerë, të cilët kanë kaluar sëmundjen vijojnë të marrin trajtimin për pasojat që u ka lënë Covid.

Sipas tyre disa prej simptomave që shkakton virusi i ri, janë dhimbje kycesh por edhe trompoza të ndryshme të cilat në disa raste kanë qenë shkak i humbjes së jetës së disa pacientëve.

Sipas neurologëve britanikë, SARS-CoV-2 mund të shkaktojë dëme serioze në tru dhe në sistemin nervor qendror, që shkaktojnë psikoza, paraliza dhe hemoragji cerebrale dhe që shpesh konstatohen mjaft vonë.

Subscribe kanalin tonë në Youtube për të mos humbur asnjë video të re