Bashkia Berat po vijon punën e pandërprerë për minimizimin e pasojave të reshjeve që mund të kërcënojnë qytetarët, banesat dhe tokat bujqësore.

Kryetari i bashkisë, Ervin Demo tha sot se “kemi nisur prej ditësh një punë intensive në gjithë gjatësinë e vijës prej 1.7 km, në përroin e Zagores, i cili pret dhe disiplinon ujërat që vijnë nga fshatrat, Duhanas, Bregas e Tokat e Uznovës.

“Pastrimi rrënjësor, kryefund i këtij përroi, përfshiu heqjen e shkurreve e aluvioneve te ndryshme, zgjerimin e shtratit dhe pastrimin e zonës përreth me qëllim mbrojtjen e tokave nga përmbytjet”, tha ai.

Pas kërkesës së banorëve dhe inspektimeve të bashkisë, Demo tha se “po bëhet i mundur pastrimi i kanalit kullues dhe eleminimi i të gjitha rrezikshmërive të sjella nga harresa”.

Subscribe kanalin tonë në Youtube për të mos humbur asnjë video të re